وبعدمــا صرنــــا ثلاثـــه دموعنا .. ونــا .. وهيــه
وبعد ما جـرحي توشــــم بالصـــدور وبالمـحاني

جيتني من اقصى مسافه ..؟جيتني تعــرض عليه
البس وشاح العرس وانسى كل عمري في ثـواني

واتجـرد مــن خيـــالي واطــمــح فعـيـشـه هنــيـه
تحــسـب اني بهـتـنـي وابــدى بـتــرديد الاغـاني

مادريـــت اني بــزواجــي بـرتــكــب اكبـر قضـيه
ومادريت اني بـحـــطـــم كــــــل امـالي وامـانـي

مادريت ان الــنــدم رح يطــمــح فـقــلــبـي مجـيه
ولا تخــيـلـت الحـســـافه يــوم تحــرقلي زمـانـي

وماخـطــــر في بالك اني فـقـد الــعـــــزه الابـيـه
لا ولا كــلــفـــت نـفــسـك تلتفت لحـــظه بكـيـاني

مابــحــرم في كلامي شـــــرع مـن رب البـريـه
بس حاول لو ســمـحـت تحط نفسـك في مكانـي

لابدت تمشي ….. واناظــــر واتخيلـــها الضحـيه
زوجتي ياناس صارت … ترتســمــلي شكـل ثاني

وابدى اقارن .. اية اجمل ذيك في نفسي .. وذيـه
ترتجي معنى الموده … وصعـــبه اعطيها حناني

لضـحـكـت .. سميت بالله.. ضحـكها ســم وبليه
ويـــــن راحـت ضحكة اللي ضيع الدنيا عشـاني

في لبسها .. في هرجها.. او في الامور المبدأيه
عارفـن نفــسـي ابســأل عــن حبـيـبي الاولاني

حتى لو تقعد بجنبي … وتاخــذ الشـفــه بـرويه
بسرح انــا واتــذكـر طــعـم ريـقــه في لســاني

انعـجــن قلـبي بقـلبه .. وصارت قلــوبن سويه
تصدق ان المـوت يخسى يفك في الاخر رهاني

لو لفاني المـوت قبله ..وصـرت جـثـــه مرتميه
وغسلوني .. وكفنوني .. المــهــم انســان فاني

والقــبـر يحضن عظـامي من هنـاك ومــن هنيه
عظــام قبري تشتهي تـنـداس مــن بنت الفلاني

يالايــمــي قلـبي تـقــطــع مـن فراق الاجـــوديه
ما اذكـــر احــدن غيرها اسدل دمـوعي وبكاني

ماهو ضــعـفـن في كـياني ريغــة الدمـعه الابيه
ولاني عاجـز في حياتـي اسخـط اللي ما يباني

مثلك ادرى يا ضـنـيني كــم في راسي عنجهيه
الـــــف شـخــص فهالبـلد يطيـع تأشــيـرة بناني

بس الظـروف اللي اجبرتا نفترق .. انا .. وهيه
كانت اصـــعــب من بلوغ الحـر في كانون ثاني